تعرف على اهم النصايح لزيادة حرق الدهون… ازاى اخس من غير مااعمل مجهود كبير ؟

هناك الكثير من الخطوات والطرق الفعالة التي تساعد في تقليل الوزن الزائد وبدون تكاليف كثيرة او مجهودات و اذا كان هدفك الاول والاخير هو فقط كيفية حرق الدهون والتخلص من وزنك بسرعة، فانت مخطئ ان اعتقدت بان الحل هو باتباع اسلوب الحرمان والتجويع، اذا ان هكذا نوع من الانظمة يعمل على تقييد سعراتك الحرارية المتناولة، ويعمل على تقليلها، مما يضطر الجسم الى تكسير العضلات واستخدامها كمصدر للطاقة .

اهم 10 نصايح لزيادة حرق الدهون : 

1/ الرياضة على معدة فاضية لها تاثير كبير جدا على حرق الدهون وهذا نتيجة لعدم توفر الطاقة بالجسم فيلجأ الى استخدام الطاقة المختزنة وهى طبعا الدهون وياريت منزودش الفترة الزمنية للتدريب الصباحى عن 45 دقيقة عشان نتجنب الارهاق والدوخة نتيجة نقص معدل السكر بالدم.

2/ شرب الماء اول ماتصحى من النوم وبكميات كبيرة كفيل انه يغسل الكلية والكبد والمعدة وكمان بيولد طاقة داخلية لمعادلة درجة حرارة المياة مع درجة حرارة الجسم الداخلية وهى 37 درجة ودة فى حد ذاته سبب قوى لحرق الدهون عرفتو ليه المعدة مفيدة.

3/ الكافيين او شرب القهوة طبعا الكافيين غنى عن التعريف فى حرق الدهون عشان كدا لو معندكش موانع اشرب فنجان الصبح بس لازم تكون معدتك فيها اى اكل عشان متعملش مشاكل فى المريئ وفنجان بعد العصر عشان تحافظ على معدل الحرق طول اليوم وتزود تركيزك.

4/ استخدام النباتات المساعدة قليلة السعرات فى نظامك الغذائي هتساعدك جدا فى حرق الدهون زى ( الهليون , البروكلى , الفاصوليا الخضرا , السبانخ )

5/ الكارديو بعد التمرين ياجماعة مش قبله ولو بتتمرن حديد يبقى بعد ماتخلص تعمل 20 ق كارديو او تزود على حسب برنامجك عشان اولا تحافظ على طاقتك اثناء التمرين وثانيا  تستفيد من عملية تفريغ العضلات من الجليكوجين ولجوء الجسم واجباره لاستخدام الدهون لاتناج الطاقة.

6/ تقليل الكاربوهيدرات او النشويات مهم جدا فى اى نظام غذائي هتخلى جسمك يحرق اكتر وميخزنش طاقة زايدة عن حاجته على هيئة دهون.

7/ استخدام الدهون الصحية فى اكلك زى (الافوكادو ,اللوز ,زيت اللوز ,زبدة الفول السودانى) لانها اول حاجة بتحل محل الدهون الغير صحية ثانيا بتساعد فى عملية بناء العضلات وتحسين المزاج وكمان بتديك طاقة تعوضك بيها عن نقص الكاربوهيدرات.

8/ زيادة عدد الوجبات عامل مهم فى تزويد سرعة الحرق لو خليت وجباتك 6 وجبات صغيرة احسن من ثلاثة كبار لاكتر من سبب منهم انك بتقول لجسمك انك مش فى وضع حرمان عشان ميترجمش دة انه يخزن اى دهون يستقبلها وكمان العضلة بتحتاج كم معين صغير من الغدا على حسب استيعابها وبترمى الباقى والموضوع دة داخل فيها عوامل كتير زى مقاومة الانسولين واحتياج العضلة فى الوقت الحالى فخليك احسن على النظام دة.

9/ لو غلطتى ولخبطتى مش معناها الدنيا خربت زودى رياضة وصومى بعد الوجبة الى لخبطتى فيها من خمسة الى تمن ساعات وكملى يومك عادى جداا

10/ النوم المنتظم دة الضلع الثالث من مثلث الصحة لان هرمون النمو بيزيد اثناء النوم العميق والمنتظم وهرمون الانسولين بيقل بس خد بالك عشان تحقق المعادلة دى متاكلش قبل النوم بساعة ونص بالذات نشويات.

 

 

 

 

 

اترك تعليقاً

لن يتم نشر عنوان بريدك الإلكتروني.