طريقة مضمونة لعمل فراخ كنتاكي بالوصفة السرية ! وصفة مجربة لعمل الفراخ المقرمشة “هنقطع علي كنتاكي”

لكل ست بيت اعرفي معايا وصفة سرية وسهلة جدا لعمل الفراخ المقرمشة وفاجئي عيلتك بوجبة كنتاكي محضرة في البيت ومضمونة مية ف المية هاتي ورقة وقلم واكتبي طريقة عمل فراخ كنتاكي المقرمشة خطوة بخطوة وادعيلي .

بعيدا عن روتين الغداء وروتين الفراخ وطريقتها التقليدية جربي الفراخ المقرمشة بنفس خلطة كنتاكي السحرية التي يحبها الكبار قبل الصغار ووفري السعر وكمان تبقي مضمونة 

ومعانا ومعاكم خطوات عمل فراخ كنتاكي بطريقة سهلة ……….

1-قطعي الفرخة الكاملة الي ثمان قطع عبارة عن الدبابيس والاجنحة والصدور والاكتاف كل واحد الي اثنين هيبقي معاكي 8 قطع فراخ جاهزين

نتيجة بحث الصور عن فراخ منقوعة في اللبن

2- هاتي سكينة وخرمي الفراخ عشان تشرب التتبيلة وتتحمر بسرعة كبيرة .

3- حطي قطع الفراخ دي في التتبيلة وهي………

معلقتين ملح

معلقتين فلفل اسود

كوب ونصف دقيق

معلقتين زعتر

معلقتين شطة

معلقتين بصل بودر

معلقتين ثوم بودر وبارك الله فيما رزق.

#هتجيبي بولة كبيرة وحطي الدقيق والبهارات اللي قلنا عليها واخلطيها ونزلي فيها الفراخ .

نتيجة بحث الصور عن فراخ متبلة منقوعة في اللبن

4- في بولة تانية خالص كوب ونصف لبن ونزلي فيها الفراخ المتبلة وبعدين رجيعها للخلطة تاني وهكذا ,كرري التتبيلة واللبن تلات مرات عشان تبقي مقرمشة وعليها كذا طبقة .

5- في المرة الرابعة سيبي الفراخ في اللبن وانقعيها في التلاجة لمدة 12 ساعة كاملة .

6- الخلطة الاخيرة عبارة عن “1 م ملح 1 م شطة 1 م كمون 1 م جنزبيل 1 م بص بودر 1 م توم بودر 1 م فلفل اسود” وسيبيها عشر دقايق في الخلطة .

7 – سخني كمية زيت غزير علي النار ونزلي فيه الفراخ وبعدين طلعيها علي مناديل مطبخ وانجوووي بقا .

فيديو سهل لطريقة عمل الكنتاكي

اترك تعليقاً

لن يتم نشر عنوان بريدك الإلكتروني.