بث مباشر جنازة أسماء مصطفى بعد صلاة الظهر شاهد بث حي جنازة المذيعة أسماء مصطفى ودفنها بمقابر العائلة وفاة الإعلامية المصرية الشابة أسماء مصطفى.. وزوجها يعلق: انكسر ظهري وفطر قلبي توفيت الإعلامية المصرية الشابة أسماء مصطفى بعد صراع طويل مع مرض السرطان، وسط حالة من صدمة زملائها في الوسط على مواقع التواصل الاجتماعي واسماء مصطفى، أعلنت في إبريل الماضي إصابتها بمرض السرطان، عبر منشور لها على صفحتها بموقع التواصل الاجتماعي فيسبوك وانتهت منذ قليل، صلاة الجنازة على جثمان الإعلامية أسماء مصطفى، بمسجد الشرطة بأكتوبر، وتحركت أسرة الراحلة مع الجثمان لدفنه فى مقابر العائلة بطريق الواحات .
الرسالة الأخيرة للمذيعة أسماء مصطفى
الرسالة الأخيرة للإعلامية المصرية الراحلة أسماء مصطفى عبر حسابها بفيسبوك.
وقالت أسماء مصطفى في رسالتها:”معرفش ليه بجد الإنسان لما بيجرب إنه قرب من الموت وربنا بينجيه ويقف معاه، كل شوية يقرب ويبعد، الدنيا فى نظره بتصغر، وبيحس إنه كان بيدي أمور ملهاش لازمة مساحة في حياته، وبيحتفظ في قلبه بعيلته وأهله والناس الحلوة الطيبة اللي حواليه، دول بس اللي بيفضل فاكرهم”.
أقرأ ايضــا..
وأشارت:”حتى لو حد كان مزعله أو فيه موقف، وجت السيرة بالصدفة، حقيقي بكون مش فاكرة أساسا، بفكر في ناس تانية خالص، سبحان الله، فعلا مش دايم غير المعروف والمحبة والسيرة الطيبة”.
فيما قدمت الشكر لزوجها النائب أيمن أبو العلا، قائلة :” أمى ربنا يديها العمر والصحة ويصبرها على ابتلاءها فيه قبل ما أتجوز لأنى كنت برفض ناس كتير كل ما كانت تسألني كنت أقولها عايزة أتجوز راجل بيحبنى بجد لنفسى كانت تدعى وتقولى ربنا يرزقك بالى يقدرك ويريح قلبك يكون ابن أصول عمرها ما أتمنت ليه عريس يجبيلى مثلا شبكة بكام ولا هسكن ولا حاجة خالص زى ما بيحصل ولا طلبت غير راحة بالى وحد يقدرنى ..وربنا سبحانه وتعالى استجاب دعوتنا احنا الاثنين رزقنى براجل بجد بيحبنى لنفسى ولشخصى وبيقدرنى والمحنة والمرض خلونى أفتكر دعوتها”.
واختتمت :”المرض الملعون ده دمرنى لكن هو شايفنى أحلى ست فى الدنيا ولاقيته ضهرى وسندى فى دنيتى ربنا يحميه ويحفظه ويكفيه شر الحاسدين ويبارك فى أولادنا ويحفظهم ونقدر نعدى المحنة ونخرج بمنحة يا رب صبرنا على ابتلاءنا”.